ભાજપા પ્રદેશ અધ્યક્ષશ્રી જગદીશભાઈ વિશ્વકર્મા આજે રવેચી ધામ, રાજપરા ખાતે આયોજિત ચારણ સમાજની દીકરીઓના ભવ્ય સમૂહ લગ્નોત્સવમાં ઉપસ્થિત રહ્યા હતાં. તેઓએ આ પાવન પ્રસંગે વડીલોના આશીર્વાદ પ્રાપ્ત કરી નવદંપતીઓને સુખ, સમૃદ્ધિ અને સંસ્કારોથી ભરપૂર દાંપત્ય જીવન માટે હાર્દિક મંગલકામનાઓ પાઠવી હતી. આ ઉપરાંત તેઓએ સમાજમાં એકતા અને સાદગીને પ્રતિબિંબિત કરતા આ ભગીરથ કાર્ય માટે લોકસાહિત્યકાર શ્રી રાજભા ગઢવી તેમજ તેમની સમગ્ર ટીમને ખૂબ ખૂબ અભિનંદન પાઠવ્યા હતાં. આ પ્રસંગે પ્રદેશ ભાજપા મહામંત્રી શ્રી અનિરુદ્ધભાઈ દવે સહિત સ્થાનિક ભાજપા આગેવાનો અને અગ્રણીઓ ઉપસ્થિત રહ્યાં હતાં.
